حروف الروح
مش كل شعر بينكتب روع و عجب
ولا كل مطرب بالغنى شعبو طرب
ولا كل حرف بينرسم حبر الاكيد
نهدات صخب الروح آه بتنكتب
لما الفكر للحب بشروعو شريد
يقطف نواة الحس و الدقة عتب
لو تقطع النبضات يتورور وريد
تنطق عيون القلب بالنظرة لهب
لو يوقفوا النبضات هالتم الوحيد
ترجم صمت ولهان يطبع عالعبب
ينزف حنى للشوق عالعنق بقصيد
ترقص كروم اللوع حبات العنب
فيها الخمر ينباس والقطرة وقيد
دنّك سهر و الليل عنّابك سكب
سكبة عمر مجروح بكمام الوجيد
فيها الشقا النوّاح بالآه الصعيد
روح العشق تنمزّ بشفاف الشغب
رامز عيد
09/07/2017
ليست هناك تعليقات:
إرسال تعليق