كلام وآلام
يا مألفين بالكلام
حرفي نازف دم
بيبكي عليل مجروح
كأنه راضع هم
قوم ياضمير الأدب
أصرخ وثور عالعجب
الحرف ضهره إنكسر
والكل أعمى وأصم
الحرف ف وسط الكلام
مستني يهمس همس
لابسله وش الغمام
خايف وضوح الشمس
مسكين حزين مكسور
إنه إتحرم م النور
وألف حفرة وسور
مش لاقي حد إهتم
فين ياكلام قوتك
فين الأمان والظل
سايب حروف همتك
بين الخراب والطل
صوت الضمير لو قام
بياخد يومين وينام
مانعينه م الأحلام
رافضين جروحه تلم
#عصام_قابيل
ليست هناك تعليقات:
إرسال تعليق