ياميت الف خسارة ،،، كلمات الشاعر / جبريل رضوان

اااااااااااااا
ياميت االف خسارة
ع اللي احنا بقينا فيه
نشوف الحق ونحود
ونترحم عليه
نشوف الظلم بعنينا
ونقول بادينا ايه
ونمصمص ف الشفايف
هو احنا جرالنا ايه
وعشان الظلم فينا
نستاهل اللي احنا فيه
ااااااااااااااا
خلاص بقينا خرس
بنداري ع الجرايم
نشوف القتل بعنينا
ونشوف الدم عايم
ندارى جوه خوفنا
والكل سارح وهايم
نسينا ليه الرجولة
عايشين زي البهايم
الاخ يقتل اخوه
وباله مرتاح ونايم
خلاص ضميرنا مات
ومعدش له معالم
صدت خلاص القلوب
وربي هو اللي عالم
دحنا مصدقنا يوم
هلت علينا النسايم
اااااااااااا
زمن الرجولة ضاع
والظلم فينا علم
والكل عايش لنفسه
سلم يارب سلم
لو حد شاف مصيبة
يفضل ساكت مبلم
فين الرجولة راحت
للظلم ليه نسلم
ااااااااااااااااا
راجل ربا عياله من
حرام وعراف
ويبررف اللي عمله
ويمصمص ف الشفايف
وزميله اللي جنبه
طبعا عارف وشايف
هوه طمعان يقاسمه
ولا ساكت وخايف
هوه الحرام بينفع
ناسي ان ربه شايف
ده فاضله يادوبه زقه
وقرب ع المشارف
ااااااااااااااااا
وناس عايشة ف طمعها
وبتاجر ف قوتنا
ميهمهومش جوعنا
ولا حتى يهم موتنا
ده الرزق عنده هو
ومش ممكن يفوتنا
بيعبوا ف الزكايب
واحنا عارفين حدودنا
اصل القناعة راحت
ومن ايام جدودنا
ااااااااااااا
فيه ناس ربك عاطيها
المال من غير حساب
ترمي السلام عليهم
ولا تسمع جواب
ولا زكاة بتطلع ولا
عاملين حساب
ولا صدقة حتى منهم
ياخدوا عليها ثواب
عايشين خلاص حياتهم
نسيوا يوم الحساب
اااااااااااااا

 وناس الطيبة فيها
بيضحوا بكل حاجة
ويصرف اللي عنده
لجل الناس الغلابة
مهي دي الرجولة
محناش عايشين ف غابة
لازم نعيش لبعض
ونخلص ع الديابة
وتصفى قلوبنا حبة
ونوصل القرابة
اااااااااااااا