بصيت بقلم سيديوسف

بصيت بعيني
بصيت بعيني في السما
تاهت الحروف مني
ناديت علي خلي يخاويني
لقيته بعيد عني
رحت اطوف تايه
والدمع مالي العيون يجري 
لقيت خلي هو اللي كاويني
*******
كرهت أجري ورا الطيف
وحلفت وكان القسم بيمني
انا لا كنت مع الحظ
ولا كان الحظ يغويني
رحت فوق ظهر الخيال
اشق دربي واشوف يقيني
لقيت الدنيا بحور
بحور تجري ورا بحور
ومركبي تاهت
و قلبي يقولي إياك تشقيني
وافضلت أدعي أن ربنا يجيني
أتاري الشراع انكسر مني
وموجه  تخدني
وموجه توديني
وقفت علي ايدي
عشان سواعدي ما  قادره تكفيني
ومسكت دفتي أضرب
مره بشمالي
ومره بيمني
وبدي ايعد عن شطوط الخلق
وعارف ان الوحدة تكويني
وعارف ان القوافي حروف
وممكن الحروف ممكن تهدني وتبنينني
صبرت بنات فكري
وشلت من علي الخد
دموع عيني
وحبست الألم جو قمقمي
وقتلت وحشي
اللي كان دايما بيأزيني
أتاريك يا وحدة
وحش كاسر
وبدك من الوجود تاخديني
وفضلت احاور كل الهموم
وخايف أن السيل يجري ويمحيني
الله يسامحك يا خلي 
طيرت روحي  ونزلت دموع عيني
زي الغبار في الريح
وفي كل لحظة اقول دليني
خلاص معاد الكلام ينفع
واللي اشتري الناس
مش ممكن يكون معاديني
احلف انها كانت غشاوة
وعمر الصيحيح ما يبقي خطأ
والوحش لازم  يمشي ما يوهيني
بقلم // الشاعر سيد يوسف مرسي