تاجرالاعضاءالبشرية بقلم السيدانور

{《تاجر الأعضاء البشرية》}

موقف صعب وهز كيانى ...................

................سرق الفرحة م الجارة أمانى

وفضلت تصرخ مين مظلوم .....................

..........................ومين الجانى

ياللى فاكرها بجد شطارة....................

...............وراح تكسب منها المال

تخطف طفل كدة م الحارة...................

...............أنت ياعم ملكشى عيال

علشان أية بتبيع أعضاء......................

................هو دا يبقى بجد وفاء

لما تبيع أغلى الأشياء. ........................

..............تقتل حلم بدون أسباب

مين هيكسر ولا يصفر ........................

.................ولا يرن جرس الباب

بعد ما غاب الطفل شهاب ......................

.................صرخت أمة أبنى ضنايا

.................كان من ساعة هنا ويايا

فات اللعبة جنب الباب.......................

وقالى ياما ما هنادى مهاب ..................

.............علشان نلعب بس شوية

.............أدى القطر ....وأدى العربية

وأدى ألعابهم هنا حواليا.......................

والله الدنيا دى أسيا عليا. .....................

................... أبن الجارة  ....وأبنى ياناس

..................نزلوا الحارة راحو خلاص

فين الشرع ياناس والدين....................

ولية م نحاكم الشيطاين......................

بسأل فين حق المساكين......................

...................فين الرحمة بالأرواح

.................ولا هنسكت ع اللى راح

دالموضوع محتاج أنسان.....................

يحكم والله بالأعدام ........................

..............ع اللى يتاجر فى الأطفال

...............أخد الكبد مقابل المال

........وفات الأم تقول موال............

أدى ياناس بجامة أبنى ..................

والله حقيقى كان وسيم ..................

................لية تكسرنى ولية تغصبنى

...................أحزن وأبكى علية يالئيم 

علشان بس قزازة خمرة .....................

تفوت القلب كدة على جمرة................

...............بعت القلب ياجانى بكام

..............بعتوا أكيد بشريط برشام

................أبكى ياعينى على الحكام

اللى بتحكم بالأشغال.......................

طب فين دم الأطفال...........................

.........قصة وقولت أنا هكتب فيها

..................بس دى واقع م الأيام

على شاشة التلفاز أنا عشت ..................

عشت معانى كتير بحكيها...................

من داخل عنبر الأحكام.......................

{《تاجر الأعضاء البشرية》}
بقلم الشاعر/
السيد أنور إبراهيم
مع أطيب أمنياتى