بحبها
لسه على عهدها
واقف على عتبة بيتها
بطلب ايدها
ايد اتمنيت اطولها
مع انى انا مش طولها
اطول منى هى كتير
هى فى السما من غير تفكير
هو القمر ممكن يكون على الارض
لا ياعبيط دايما فى السما غاوى تنطيط
ايوة هناك ورا السحابة
خايف من الناس الكدابة
ناس ممكن تلوثه
تدنسه
تطفى نوره تطمسه
مكانه فوق فى السما
مع الملايكه انما
انا محظوظ
انى اقدر اطوله وادوس
على عتبة بيته
ايوة اكمن اناحبيته
طلبت القرب ووافق القمر
ومن النهاردة حنبتدى السهر
نانسي محمد
ليست هناك تعليقات:
إرسال تعليق