بالسلامه بالسلامه
بالسلامه ياجواز
المهور اللى غليتوها
والقايمه ويا الجهاز
ابويا لما اتجوز امى
كان فرننا ع السطح
والكانون جمب منه
ولا عرفو البوتجاز
هما حلتين المونبا
ومعاهم كام طبق
وبراد ويا كنكه
وكام كبايه قزاز
طبليه ومخرطه
والعيشة متظبطه
دلوقتى المهر غليتوة
الشباب هيعمل ايه
يبيع امه ولا ابوه
عاوزين تكييف
معرفش كام حصان
وكمان شاشه بالالوان
والشقه تلات مطارح
منهم واحد للضيوف
والتانى للعيال
والله صعبة الظروف
بتطلبو منا المحال
طب ممكن سؤال
هم فينهم الضيوف
ولا مين فاضى يشوف
ارحمو شباب غلابه
متقلبوش صورتهم
وتخلوهم ديابه
وبنشكى م الانحراف
انتم ايامكم سمينه
واحنا فى سنين عجاف
اعقلو معنى الكلام
فقرا ويغنيهم ربنا
ولا عرفى ف الحرام
الحياه يومين سعاده
مش هنحسب كل حاجه
نجيب منين وبكام
بنتك لو الجوع قرصها
فى ايد راجل بيحبها
اكيد هيحميها ويحرصها
وكل شئ بيد الله
بس انت قول يارب
ولافيش عيشه
ولا ليها فى يوم مطب
وزى ماقال المثل
عوز تصون العرض وتلمه
جوز بنتك للى باله منها
وهى باله منه
الشاعر/عزالدين جبريل
ليست هناك تعليقات:
إرسال تعليق