مابين البحر ورموشى
*************
مابين البحر ورموشى
كلام القلب ما قالوشى
ولا كحّل عيون الشط
ولا صحّا للطيور نسمه
ولا راضى فى البراح يمتد
ولا غاوى ف السكن قلبى
ولا عشقت حروفه حد
وانا ماشي على سطوره
تكعبلنى ساعات فاصله
وتجرحنى حروف الشد
وساعات اخش ف الضلمه
ما بين الفتحه والضمه
واتوه ف الهيصه واللمه
لما السكون تحتد
يا كسره ليه غربتى
على سطر كراسى
وليه النقطه موجوعه
وناكره احساسي
كلام جوايا متلغبط
ومتبعتر ومتشخبط
يا بدر السما اهبط
واسكن بقى عيونى
امد حبالى واطلعلك
سهام العشق يرمونى
من يوم طيفك
ما جه شطى
تاه الكلام من خطى
ولا عادش له معنى
ولا حروفه بِتنَدِى
كل سطوره بتودى
على سكة غرام تايهه
لا هى صاحيه ولا نايمه
ولا عارفه للخطاوى شراع
يا100 ألف ألم
للِّى قلبه ف الهوى ضاع
توهى يا حروف الكلام منى
طعم الكلام أوجاع
*************
مابين البحر ورموشى
كلام القلب ما قالوشى
ولا كحّل عيون الشط
ولا صحّا للطيور نسمه
ولا راضى فى البراح يمتد
ولا غاوى ف السكن قلبى
ولا عشقت حروفه حد
وانا ماشي على سطوره
تكعبلنى ساعات فاصله
وتجرحنى حروف الشد
وساعات اخش ف الضلمه
ما بين الفتحه والضمه
واتوه ف الهيصه واللمه
لما السكون تحتد
يا كسره ليه غربتى
على سطر كراسى
وليه النقطه موجوعه
وناكره احساسي
كلام جوايا متلغبط
ومتبعتر ومتشخبط
يا بدر السما اهبط
واسكن بقى عيونى
امد حبالى واطلعلك
سهام العشق يرمونى
من يوم طيفك
ما جه شطى
تاه الكلام من خطى
ولا عادش له معنى
ولا حروفه بِتنَدِى
كل سطوره بتودى
على سكة غرام تايهه
لا هى صاحيه ولا نايمه
ولا عارفه للخطاوى شراع
يا100 ألف ألم
للِّى قلبه ف الهوى ضاع
توهى يا حروف الكلام منى
طعم الكلام أوجاع
ليست هناك تعليقات:
إرسال تعليق