على أد الشوء ---بقلم الأديب محمد عليش متولي

.. بالعاميه المصريه ..

.. من القصص الشعرى ..

....... ( على أد الشــــــــــــــــوء .. )

النص كاملا .

احلامى بيكى إتحققت
وظنونى فيكى إتاكدت
شفتك.. كأنى اعرفك
من كااااام سنه ..!
طب قول كده . .
من كام سنه ..؟
بالحق قوللى يا ولا ..
من كام سنه ..؟
يمكن كده مليون سنه ..
مليون سنه .. !
انا..انا..؟
...............

تلج الغرام بيّا اشتعل
بجمال عنيك
ودلع مخبى ورا الهدوم
شلال عسل ..
و حجات بتبدر محتاجات ..
وعبير زهور على غصن نور ..
فزعقت ..
ّاااااااااااااااه .
طليت عليكى من وراه ..
نهر ف عنيكى إسمه الحياه ..
دى عنيك قدر ..
بيقول : -
تعالى دنا ف خطر ..
مستنى ليك ..
انا منتظر ..
همسة عنيك ..
لمسة إيديك ..
لسّاك بعييييييد ..
على بعد خطوه من السرير ..!
حسيت بحق ..
سخونه ( طحن .)
فقلت : -
لأ ..
دى الخطوه دى ..
تيجى كيلو متر ..
وما عادش وقت ..
ولا باقى صبر ..
معقول هبات ..
على شوك بعاد .. !
معقول هبات ..
على نار سهاد .. ؟
والرغبه جامحه بالقوى ..
وقلبى ف خطر ..
ولؤلؤ اللهفه هيحفى ..
لجل يوصل للقمر ..!

.....................................

ولؤلؤ اللهفه هيحفى ..
لجل يوصل للقمر .. !
تقدر تبات إنت يا زين ..
بينك وبين الحب ..
دوبك خطوتين .. ؟
البخور ويا العطور ..
وصيفات ..
تدور بأم راسى ..
وبالشعور ..
والضى مدّارى فى الستاير ..
والهوى بالرغبه طاااااير ..
والقمر عمال يشاغل ..
من ورا التل اللى مايل ..
بَصْ فِ عيونى الشقيه ..
إلتقاها صوب الشفايف ..
والخدود المستحيه ..
جوه نهر النشوه هايمه ..
من خوخات الخد تقطف ..
من ندى الشفه بتشرب ..
والهوى ولع ما بينا من لقا ..
والمسافات اللى كانت ..
فى النهار ..
إتمحت ..
لغاها الإنبهار ..!

إتقربت ..
إتمددت ..
عالمشرحه بنار الحلال ..
إتفجرت .
إتبعزقت ..
إتحضرت ..
للمحرقه بخفه ودلال ..
جفون العيون إتسبلت بالبسبسه ..
كل الحواس إتنبهت ..
إتنهدت ..
إتأوهت .
إتخدرت بالسأسأه ..
للبوتقه متشوقه للإنصهار ..!

........................................

إتخدرت بالسأسأه ..
للبوتقه متحضره للإنصهار .. !
آآآآآآآآآآآآآآآآه ..
انا من زماااااااااااان ..
كان نفسى مره أضمها ..
دلوقتى لما بحسها ..
كل الحاجات ف عنيا ..
رغم الليل ..
نهار .. !
وانا عندها وف حضنها ..
حاسس يا قلبى إنها ..
منها خصوبة الأرض ..
وطعامة العسل .
حن النسيم لهوى الغدير ..
توب القمر إنزاح كتير ..
إنتفض غيم المطر ..
إرتعش ضى القمر ..
إرتوى بحر العطش ..
إنتعش كل الثمر ..
وإتفتحت شبابيك أمل ..
فى خلدنا ..
بعد ما بنينا الهرم .
شبابيك أمل ..
طلت على شلال عسل ..
ملهوف على بستان حنان ..
مبدور زهور ناتح عبير ..
طارح قطوف من كل لون .
بستان خصيب ..
غزل خيوط ..
حرير بصوف ..
على مهد حب ..
ضفر جلود وجلود ببعض ..
على تخت عشق ...
فتح قلوب لقلوب بصدق .
.............
قُـربها طرح عراجين بلح ..
صدرى إنشرح ..
دهليز هاويس الملتقى ..
بابه إنفتح ..
مالت عليا دقتها ..
شالت شويه طلتها ..
دوقتها طعم السعاده والهنا ..
بكل الوسايل الممكنه .
حطت طيور الرحمه بآهات اللقا ..
وطارت بنا ..
فوق فى الفضا ..
مال الهوى بحبة ندى ..
والنشوه سالت بالهنا لغاية الرضا .

.......................................

والنشوه طارت بالهنا ..
لغاية الرضا ..
وزفيرنا بعد الهدهده ..
زلزل سكون الامكنه ..
واللحظه وقفت عندنا ..
علشان تسجل حبنا ..
وقفت لنا ..
قول ..
كام سنه ..؟
وقفت عشانا ..
قول كده ..
وقفت يادوب مليون سنه ..!
ياااااااااه .. !
مليون سنه..!

………....

.جَمعْت من شوقى وشوقها ..
ميت كتاب ..
سطرنا فيها احلى الكلام ..
ورسمنا فيها خارطة حياتنا ..
مع الوئام ..
الميت كتاب ..
زادوا الموده و الوئام ..
وزادوا المحبه و الغرام ..
وردوا روحنا الهايمه بينا ..
للفؤاااااد .
ردوا روحنا للسكينه ..
وللسلاااااااااام .
الميت كتاب ..
حبال وصال ..
أطواق نجاه ..
من غرقنا ..
فى سفينة كبتنا بشط البعاد .

يا نهر قُرب ..
طفى جمرى اللى إشتعل ..
بتلوج فراغى .
وبالبعاد ..
عن حياتى ومهجتى ..
وروحى الحنونه .
اللى إشتعل بجمال عنيك ..
ودلع مخبى فى الهدوم ..
وحجات بتبدر محتاجات ..
وعبير زهور على غصن نور .
وهالات ..
بتفرش من ضياكى على النجوم ..
بهجه وسنا ..
مليون سنه .
عالشوء يا حيله ..
انا مش صُغَيّر ..
أنا أد شوئى ..
و أد قولى ..
بهوااااااااااااااك ..
يا سكــــــــــــــر..!

* * * * *
كلمات / محمد عليش متولى .

المجموعه الخامسه ( على أد الشوء )

بالعاميه المصريه ..

الإيداع القانونى / 19590-- 2010

الترقيم الدولى / 4 -I s p n / 977 - 17 - 9622