آنة وإنتي روح وحدة ------ للشاعر ابو رؤى قاسم الدوسري

شعر شعبي عراقي
انه وانتي روح وحدة
بس مو فد جسم
الله رايد هيج النه...
وننقسم
انتي نص وانه نص
نص ،،غركان بحزن
ونص الثاني يبتسم
انه احبك،،
واحس انتي لوحة
حلوة وبالگلب هم ترتسم
هذا طبعي
من احب افضل احب الي احبه
حتى لو جرّعني سم
عفية ،،كلش زين
حافظته الدرس
وانه افتهم
انه عد عينج اكلج
انه قاسم انه ذاك انه الشهم
مو كلام السان
ولا بايع العشرة
لغيرج انتي وانتي عندي
بس أسم
انتي بداخل گلب
مقفول الج
وغريج انتي مو مهم
الشاعرابو رؤى قاسم الدوسري