نفسي اقولك اني آسف
بس مش بقدر اقول
اصلي راجل شرقي خالص
عودونا ع الأصول
عودونا لما نعشق
عشقنايادوب سكوت
وامابنبكي من جروحنا
نبكي من غير اي صوت
علموني اني راجل
واني لازم ابقى سيد
بس نسيو يقولوحتى
انه راح زمن العبيد
علموني اني لازم
ابقى سندك وابقى ضهرك
بس نسيو يعلموني
احضنك واحزن لحزنك
علموني ابقى رجعي
بس ابقى كمان اصيل
علموني ان حبي حق
مش محتاج دليل
علموني ماقولش خالص
اني بابكي في عزشوقي
وانابالقى ف نور عيونك
وسط كل ضلام شروقي
علموني ماكنش شايف
اني بغلط او اقول
علموني ماقولش آسف
يبقى مش هاقدر اقول
.........
ليست هناك تعليقات:
إرسال تعليق