بالأهتمام
مش بالشكل ولا بالجمال ....
ولا بالدلع ولا بالدلال ....
ولا كمان بكتر المال ....
بالأهتمام أكيد والسؤال ...
ييجى الحب ومايبقاش مُحال ...
أهتم بيها وراعيها ...
تمسك قلبها قبل أديها ..
وسكنها قلبك وأحتويها ...
تكون الضى اللى فى عنيها ...
البنت مش عاوزه شكل وجمال ...
ومش مهم الغنى وكتر المال ...
كل ده إيه هيفيد لو طلع شاب بطال ...
البنت عاوزه اللى يحبها ...
تحتاجه يكون بسرعه جنبها ...
البنت عاوزه الاهتمام ...
وعاوزه شاب يكون تمام ...
ويكون فيه بينهم أنسجام ....
تنام يكون معاها فى الاحلام ...
تزعل يقولها مالك ...
حبيبتى إيه اللى مغير حالك ...
تفرح يشاركها فرحها ...
ويبوس إديها ويقول لها ...
إنه بيعشقها مش بس بيحبها ...
البنت عاوزه راجل بجد ...
بينها وبين الحزن يكون ليها سد ..
أهتم بيها وراعيها ...
بس المهم تروح تطلب أديها ..
مش أيام كده ومعديها ...
وتتسلى بايامك وبيها ...
أكيد الحب بالأهتمام ..
بقلــــــم: عــــــادل الشـــــهابى
ليست هناك تعليقات:
إرسال تعليق