كل عام وانتم بخير اقترب
العيد وقارب شهر رمضان على
الرحيل فقد ربح فيه من ربح
وخسر فيه من خسر الله ماجعلنا
من الرابحين وبلغنا ليلة القدر
اااااااااااااااااا
احلامي بسيطة
ااااااااااااااا
احلامي بسيطة وعلى
ادي بحلم بالستر
ولحاف على ادي يدفيني
واقوم من بدرى اصلي الفجر
واساعد الناس وامسح
دمعة نزلت من غدر
وبلدنا تكون حلوة صبية
واحلى من البدر
عدى رمضان خد خيره معاه
من فينا ياناس شاف ليلة القدر
اااااااااااااااااااا
بحلم بالقلب يكون خالي
باحلم بالعدل وبالانصاف
بحلم بسكينة ف قلوبنا
ويعدي اليوم من غير مانخاف
والظالم يرجع عن ظلمه
لو حس وشاف
ده القلب الظالم لو يطغى
حيعيش ف جفاف
ااااااااااااااا
بحلم باليوم اللي نقرب
من بعض ياناس
نحلم مع بعض ونتمنى
وندق اساس
علشان الخير يرجع تاني
لما الفلاح يرجع للفاس
بحلم بضمير صاحي مش
نايم جواه احساس
وحنقوى مع بعض نعمر
وماحدش فينا حينداس
ولا نسمع لكلام بيدمر
ولانسمع لشيطان وسواس
اااااااااااااااااا
باحلم اشوف الناس
حلوة ومبسوطة
ولا فيش تاكسي يعدي
عليه حاطط فوطة
واللي مراضي بعيشته
يولي ويجيله شوطة
لو نرضى ببلدنا حنفرح
وحياتنا حتبقى مظبوطة
دي بلدنا حلوة ف عنية
ف عنية احلى قطقوطة
ااااااااااااااااااا
جبريل رضوان
ليست هناك تعليقات:
إرسال تعليق