رجل تقدم ورجل تأخر ..
بقلم : شريف بدوي
ساعة الحب
القلب يدق
و العين تعشق
وف ساعة شوق
عينيا سألت رجليا
ليه مش بتروحلوا
عايزه اشوفه
وامسك إيده
قالت رجلي
والله انا
خطوة تقدم
خطوة تأخر
العقل يقولي
يا بني أتأخر
والقلب يزق ف رجليا
عايز اساعدك
بس انا خايف
بعينيكي تشوفيه
فتقوم رجليا تتسمر
مقدرش امشي
والقلب ضعيف
ولسان الخوف
بيخبط ف شفايفي
ويقول ف حروف
مليانة بخوف
ارجع ارجع
كلنا إخوات
من وجع القلب
كلنا نمرض
ايه يعني العين
ف شوية شوق
لو مرض القلب
الجسم اتهد
كلنا نغرق
لا حتنفع يد
ولا عين حتشوف
وف ساعة العرض
ف نار محدوف
لا حينفع عقل
ولا ينفع قلب
كلنا ف النار
وده وقت قرار
ودي ساعة جد
لسَّانا ع الأرض
يابني
إلحق تووووب
ليست هناك تعليقات:
إرسال تعليق