صعب الجرح
بقلم الهام شحاتة
=======
يا زمان يابو الجراح
ماتقولى امتى ارتاح
ولا البكى عنوانى
معايا مسا وصباح
يا زمانا يابو الجراح
الظلم ليه اساس
ف قلوب كتير م الناس
ولا المحبه خلاص
ركبت شيطان خناس
يا زمانا يابو الجراح
وقلوب العاشقين
دايما مجروحين
لبسين الحزن توب
ليه البشر خاينين
يا زمانا يابو الجراح
ياما شوفت كتير اسيه
وجراحى مش شويه
الحسبه طلعت غلط
والكل جه عليه
يا زمانا يابو الجراح
كان أماى يوم ارتاح
وابعد عن الجراح
لكت الراحه صعبه
ماباقى غير النواح
يا زمانا يابو الجراح
===========
صعب الجرح
شعر الهام شحاتة سالم
=====================
ليست هناك تعليقات:
إرسال تعليق