ليه
***
ليه بتبيع الود ياقلبي
ولا عشان ماهي قصة حبي
وليه الحب قوام بتداري
ولا عشان ما شايفني الشاري
يمكن لما خالفتك مره
قمت مكسر الفين جره
بعد ماكان الفكر هواك
دُسته برجلك مره ومره
يالي علامك سابلي علامه
فارقة معايا كتير وياما
ليه بتكسر جوه القلب
وليه تحملني الملامه
لو بايدي ماكنت سيبتك
عايش ف ظل ابتسامتك
ليه بتحرمني ياقاسي
من روعة أدبك وسمتك
ده انت ودك كان مقاسي
ليه تسيبني ليه أقاسي
ليه تضيع من إلهامي
وانت عارف وانت راسي
قد ايه قلبك قريب
انت أخويا ومش غريب
انت واخد من قلبي حته
انت تأثيرك كان عجيب
اياك تستهتر بقلبي
ولا تطفي النور ف دربي
اياك تكسر مقاديفي
معايا ربي وهو حسبي
ليست هناك تعليقات:
إرسال تعليق