《■♢ كان نفسه يعيش ♢■》
كلماتى
جمال عبدالحميد
عايش غريب جوه البلد
كان له كام بنت ولد
والحالة مافيش
وما فيش تحويش
والعيشه مرار
بين جنة ونار
ده لقى شغلانه
كلها اهانة
كان نفسه يعيش
لكن يا خسارة
مات م التلطيش
والدفنة الليلة
دفنوه ورجعوا
والعزا مافيش
كان ع الجبانة
طب ايه الحالة
والناس تعبانه
بتنام جعانه
فينك يا كبيرنا
الناس زهقانه
مش لاقيه منامه
نظرة لمسكين
نفسه فى تغير
تغير الحالة
طب اشكى لمين
والشكوة اهانة
¤☆¤☆¤☆¤☆¤☆¤☆¤☆¤☆
جمال عبدالحميد
ليست هناك تعليقات:
إرسال تعليق