بلادى،،عبدالمنعم عدلي،،مصر
بلادى بلادى
ياشيلة الهم علي كتافك
وولادك علي الجبين معدية
وشايلة في رحمك ظلم وأسية
وفي مخاضك ألام ومهنية
خايفة من الباغي ومستنية
بتلملمي علي ولادك
وبتنبتي من رملك زرعة
فيها رجال أحرار وثوار
واقفين علي خط النار
يحموا بلادهم من العار
وضرب البارود والنار
حتي لو سال دمهم علي الرمال
من تاني تنبتي الأحرار
يا مصر يا بلادى ياأم الثوار
ياأم الأوطان والبلاد
يا روح العروبة
يامصر ياأمى ياست البنات
الكل طمعان فيك من يوم الميلاد
طمعان في لونك الخمري
ولون قمح بلدى
في خيرك ونيلك
في شمسك وقمرك
ماإنت جغرافية المكان
يامصر يا منورة لينا الدنيا
د العمر فيك يساوى ثانية
وأوعى تخافي يا أمي
بكرة يكبر ولدى ويشيل هم عنك
حتي ولو سال دمة
يكبر أخوه من بعد منه
أصلها مسيرة ودايرة
حب الوطن نار وأيدة
بقلمي عبدالمنعم عدلي
ليست هناك تعليقات:
إرسال تعليق