رمضان هلَّ بنوره بقلم الاستاذ الشاعر هشام سلطان

رمضان هل بنوره علينا
يهدينا بفضله و إحسانه
شهر الرحمة .. شهر الإحسان
شهر البركة كمان ويانا
نفسي الدنيا تفضل رمضان
نفسي البركة تعن علينا
نفسي القلب العاصي الحيران
يرتاح .. و الخير يفضل لينا
نفضل إخوان .. خير و سماحة
نعلنها سماحة إسلامنا
دا نبينا محمد صلوا عليه
وضحها .. و نور أيامنا
دا الخير فينا .. ما دام الإيمان
بينور بالحب قلوبنا
عمره ما عادى أبدا اديان
دا الدين لله .. صمنا و تبنا
نفسي صيامنا .. و أيام رمضان
ترجع بالنصر على بلادي
دا ف يوم عشرة عبرنا الأحزان
و ف يوم زيه تعود أمجادي
مصر الحرة ح تفضل على طول
رافعة جبينها .. و صاينة حدودها
طول م بترعى حدود المولى
ينعم بالنصر على جنودها
بكره فلسطين ترجع لينا
و عراقنا يزول عنه الغاصبين
ترجع أمجاد حطين لينا
و القادسية .. بصلاح الدين