حكاية بيت .
بقلم شريف الدرديري
تعالي يا مصر يا حره .
احكيلك حكاية بيت .
بيت ولا عاش حياه ساره .
ولا عمره عرف ايتيكيت .
بيت كل اللي يتمناه .
شوية فول بصلصه وزيت .
بيت عايش علي الفطره .
ورزقه يجيله بالقطره .
وستو يا ناس اكيد شاطره .
مش هوصفها مهما حكيت .
تعالي يا مصر ياحره .
احكيلك حكاية بيت .
بيت مسكون لاكن فاضي .
ودايما بالقليل راضي .
يا دوب كل اللي يتمناه .
يعيش في المستوي العادي .
ده بيت مشكلته معروفه .
ومش محتاجه من اصله .
لجلسه ومحكمه وقاضي .
ورغم انه عايشها انين .
تشوف سكانه متآلفين .
علي الحلوه وعلي المره .
وحتي بالقليل راضيين .
وتلقي الفرحه ماليه البيت .
وطول اليوم ضحك وهزار .
ويا اللي علي النبي صليت .
ده ناسه طيبين أخيار .
ناس مش عايشه علي الايتيكيت .
بس بتراعي حق الجار .
وبيته من الاساس مش ليه .
يا دوب ساكنه يا ناس بايجار .
ويا ريت يلقاه وبالساهل .
ده لازم يكرم السمسااااار .
تعالي يا مصر يا حره .
احكيلك بعلو الصوت .
علي الظلم اللي دوم فيكي .
علي الطغيان وعلي الجبروت .
وعلي البيت اللي من ضعفه .
وصحابه كل يوم بتموت .
تعالي يا مصر يا حره
احكيلك حكاية بيت .
بيت ولا عاش حياه ساره .
ولا عمره عرف ايتيكيت .
بيت كل اللي يتمناه .
شوية فول بصلصه وزيت .
--
تعالي يا مصر يا حره .
اقولك سر بس خطير .
بيت كل البيوت شيفاه .
ومش عارفين له ولا تفسير .
بيت صاحبه رجل مالي .
لا يعرف فول بصلصه وزيت .
ولا عمره شرب من زير .
وطبعا صاحبه متسيط .
ومنصب في الوزاره كبير .
وثروه تعدت التقدير ---
ويقولك بشرع الله --
لا بعرف عش ولا اعرف نهب .
ولا اعرف في يوم تزوير .
طبعا منت شخص كبير.
بثروه تعدت التقدير .
حصانه ومنصب وسلطه .
وضريبه دفعها كل فقير .
تعالي يا مصر يا حره .
احكيلك حكاية بيت .
حكايه من زمان نفسي .
اقولها بس عن نفسي --
علي صعبت يا ناس نفسي
لما في حضنك اتزليت .
هقول ايه وانت لي امي .
ونيلك يجري في دمي .
وبذكر ربنا واسمي --
وادعيلك اذا صليت .
تعالي يا مصر يا حره .
احكيلك حكاية بيت .
بيت ولا عاش حياه ساره .
ولا عمره عرف اتيكيت .
بيت كل اللي يتمناه .
شوية فول بصلصه وزييييييت .
29/82016
ليست هناك تعليقات:
إرسال تعليق