حاضر يا أمي __ بقلم ا/ فهد النحراوي

استنى و فكر واتئنى
يا للى لساه امك عايشه
تحت رجليها الجنه
تتهش زنوبك لو عايزه

نفض ف غبار التنطيط
واركز وجاوبني ياحماده
اياك تلاعبني يا حاويط
وكلامك بارد كالعاده
امك كام مره تشاغلها
بسقوطك فاشل من يومك
ولا حد مره زعلها
غير بس جنابك وهدومك
كام مره رجعت وغيرت
وشياكه والناس حسدينك
ولحزن لفرح و احترت
وكأن عيونها حارسينك
قول حاضر حاضر علطول
وكلامها يمشي ع الكل
اياك تفردلي ف الطول
وتكبر منك هيطل
الام دي نعمه يا كسول
ايتام العالم ف الذل
ايه حالك لما هتزول
الدمع يزود طينك بل