, القطعة لأناس غدر بهم الزمان
وسكنو دور المسنين
بعنوان
لكـــــــــــــريم ضــــــــــــــامن الأرزاق
لو كان عرفتك هكدا يا لـــيام
نحسب ليك ألف حساب
ضحكتي لي في صغري
بكيتيني بعدما راسي شاب
حضنتيني في ايام شبابي
تخليتي بعدما الزمان صعاب
كنت بالأحباب و الأولاد
و غذرني الزمان الـــــــــكداب
لداري كان مفتوح الباب
نرحب بالبعاد و القراب
حرام عليك يا الأيام حرام
تحــــــــــكمي علي باحكام
تنكرتي لشحال من عام
بعد النور عيشتيني في ظلام
فين لحباب لي كانو
اليوم راهم غدرو وخانو
سخاو بي نساوني ومشاو
بعد الشيب عندي آش بغاو
ما قهرني غير الفراق
و لكريم راه ضامن الأرزاق
خايفين من دردورة طحين
وبيا سخاو القلب و العين
لو كان عرفت هكدا يا الأيام
نحسب حسابي وما نتلام
كنت برزقي وناسي ومـــــــــالي
ونقول لا واحــــــــد بحالي
دارت ليام ناعورة
و تفضحو وبانت الصورة
النفوس ضعيفة و مغرورة
ما حسبو ليام دايرة دورة
عايش في دار حايطة بأسوار
و القلب شاعلة فيه نار
غير ناس غربة علينا تسال
ليل و نهار كيف صار الحال
هما الأحباب ولخوت و الأصحاب
كل ساعة علينا يدقو الباب
نفرحو معاهم ننساو العذاب
نساونا من كانو لينا قراب
وتخلاو بعدما الظهر عاب
لوكان عرفت هدا الأيام
نحسب ليك ألف حساب
ما نتلام ولا نغلط في لحساب
كلمات الشاعر الغنائي
لحسن بوعاد
ليست هناك تعليقات:
إرسال تعليق