" مزازيك "
شعر ربيعة المالكي
جوه القلوب مزازيك
اوتارها تعزفنا
في لحظة بتطير بيك
ولا شئ يوقفنا
وعيونا فوق فلفضا
بافراحنا تفضحنا
تهمس في ودن الشوق
وتبوح باسرارنا
...
في بحور الهوى مجاريح
ولو امواجنا تطوينا
شراع الامل موجود
نغرق كتير مرات وكتير يعدينا
...
ياقلب يا ملهوف
حبوك الوف والوف
ولا مرة داب فيهم
مليان بكسرة وخوف
من اللي داب فيهم
...
جوا العيون مشاوير
خطاوينا تحدفنا
ننزل في لحظة نتوه
والتوهة تفرحنا
...
دايرة الحياة بينا
في حكاية صغنطوتة
فاكرين نفسنا ابطال
واحنا يادوب ادوات
بينا ومنغيرنا
هتكمل الحدوتة
ليست هناك تعليقات:
إرسال تعليق