يالليالى الغربه عدى
على فين هتخدينى
انا صابر ايه بيدى
غير دمعه تكوينى
حزين بعد جراح
على اللى عد وراح
دايما مهموم وصابر
يااااارب قوينى
.... ........ ... ......
سنين من عمري فاتت
ولسه غريب يابلدى
ودموعى ع خدى باتت
مشتاقه لحضن ولدى
مشتاق ياضنايا ليك
امتى المس طب ايدك
دا انا كل حاجه فيا
ناقصاك انت يا ولدى
.......... ......... ...... .. .....
بسببك ياغربه انتى
خسرت كتير حاجااات
اولهم فرحه بنتى
ولا شوفت ابويا اللى مات
مكتوووب ودا نصيب
افضل عايش غريب
على فين واخدانى تانى
ما كفايه عمرى اللى فات
.......... ... ...... ............
سنين بقوووول الاه
تايه انا ورحااااااال
لاعشت فيكى حياه
كل اللى همى المال
اسيت وياما بكيت
ياريت يا غربه ما جيت
كنت فاكرك طوق ونجاه
اتاريكى حمل جباااال
...... ........ ....... ........ ..........
ظلمت حالى كتير
ومشكوره ياغربه قويه
وجيتك بدون تفكير
والله صافى النيه
لا عملت ليكى حسابى
ولا شيلت هم عذاب
سرقتى عمرى الشباب
وقتلتى الحلم اللى فيا
........... ......... ....... .......
ليست هناك تعليقات:
إرسال تعليق