يا بكره
********
يابكره إيه تاني
شايلي م الأحزان
الأمس أضناني
والنهارده كمان
يابكره إيه تاني
كل ماأقول بكره أحلي
ألقاني بغوص في وحله
وتموت جوايا الأمال
يابكره إيه تاني
شايلي م الأحزان
الأمس جافاني
والدنيا معنداني
وماعاد فيها أمان
يابكره إيه تاني
العمر أنا عشته لغيري
إستنزفوني وإنهد حيلي
والنهارده عايشُه وحداني
الفرحه مخصماني
والكل أهو نَسَاني
والعمر عاداني
يابكره إيه تاني
شايلي م الأحزان
الشعر خلاص شاب
وع الأيام لالوم ولاعتاب
يبقي فاضل إيه حاني
والفرح ماعادله مكان
يابكره إيه تاني
ف العمر شايله كمان
دا الدهر هاداني
كتير كتير أحزان
ضحيت أنا بعمري بحلمي
وبكل مافي الإمكان
لحد وقف جنبي
ولا رحم شيبتي
ولا قال عيب وحرام
يابكره إيه تاني
شايلي م الأحزان
عشت عمري كله حزين
أتجرع كئوس ألم وأنين
عايش مع المساكين
أشتهي لقلبي الحنين
في دنيا الجبارين
يابكره إيه تاني
شايلي من الأحزان
أنام وأصحي علي دمعه
وكإني مش إنسان
يدق الفرح باب غيري
وأنا سامعه ياطول ليلي
لكن بابي ماقي الحسبان
ما أنا مالي عنده مكان
أشوف م الدنيا كتير وقليل
والفرحه عليا مابتميل
أشوف منها كتير ياما
أصمت عن الكلام
ومهما أشوف فيها
بردوا أنا خامه
ولسه ناقصني علام
يابكره إيه تاني
فاضلي م الأحزان
من يومي وأنا بعاني
من الدنيا إللي ظلماني
ضاعت فيها أحلامي
وقتلت فيا الأماني
يابكره إيه تاني
فاضلي هابقي عليه
دا الحظ بيتحداني
يبقي فاضلي إيه
لبكره أبكي عليه
الأحلام ولا الأماني
ولا مين أتسند عليه
يابكره إيه تاني
شايلي م الأحزان
صفاء عبد ربه
ليست هناك تعليقات:
إرسال تعليق