ناض لبريح
لااله الا الله
محمد رسول الله
ياولاد الجماعة
كيگولكم السلطان
غدا بحال هاد الساعة
مجمعكم فساحة الفدان
وكل عائلة فرباعة
راه سيد الاوطان
لقى فعين دلاعة
زغبة من راس النسوان
لااله الا الله
محمد رسول الله
ياولاد الجماعة
كيگولكم السلطان
غدا بحال هاد الساعة
مجمعكم فساحة الفدان
كلكم اجيو للگاعة
تشاهدو فعين المكان
سيدنا باحترام وشجاعة
غيختار لمراتو عنوان
فالساعة المعلومة
تجمعو هل القبيلة
ماخلاو وراهم مهمومة
مانساو فيهم هبيلة
وخرج مولاي للعزومة
بحاشية ترضي الخليلة
فخيال حلامو مزعومة
بقياس الزغبة تهليلة
تصفت البنات محمومة
وبدا البحت ع الفصيلة
من راس لراس معلومة
تنفي او تاكد القنديلة
مع الغروب عند الدومة
شعلت وضوات الفتيلة
لالة صبحت مفهومة
والرغبة كانت وسيلة
فقضية غتبات محسومة
وناض البريح ياجميلة
لااله الا الله
محمد رسول الله
ياولاد الجماعة
كيگولكم السلطان
غدا بحال هاد الساعة
مجمعكم فساحة الفدان
بامر سيدنا والطاعة
غيقيم اخير العرسان
للخماسة والرباعة
مع مولاي اخير الفرسان
لااله الا الله
محمد رسول الله
ياولاد الجماعة
كيگولكم السلطان
غدا بحال هاد الساعة
تجمعو فساحة الفدان
الغيوط والعيوط والزراعة
كلشي ينشط فرحان
ع الحكمة والبراعة
اللي سلك مول الشان
بقلم ادريس جبيلو
المغرب
ليست هناك تعليقات:
إرسال تعليق