....هل قصيده بتحكي عن الحب الي هو ربيع الحياة وزهرتها وبتمنى تنال إعجابكن ...
قصيدة حب
حبك قصيده وقلبي طفل عم علمه بحروفك القرايه ...متل حلم غليت فيي، ولحط النقط ع الحروف تمسكت بإيد لمستها حريريه ... يا عمر مني كنت ضايع ، صرت رفيق الروح ، نبض القلب طلّع آهات مخفيه،من بعد ما دقت معك طعم الحنيه.... صرت اقرب مني للدم بشراييني، بينبض فيك القلب، بشغف العاشق وجنون الهوا بتشريني ... زرعتك ببستان عمري ياسمين وصرت الهيكل الي كل يوم يزورو حنيني ،زينتك بأجمل زهوري ومنك عطر الغرام يفوح، وياخدني من عالمي لأحضان عالمك الاسطوري، واغزلك للشوق حكايات خياليه... بحلم وبحلم عيش بغفوتك و بين ورودك من دموعي بغربتي اسقيها عاطفه واسهر معها ليليه... حبك رسمته نهج لحياتي ... وشو بدك بعد لتقلي بكفي ؟ الروح ،القلب والعين، حتى أحلامي بفلك سماك صارت من الكواكب السرمديه.. والصدى يسبح و يردد صوت صرخه من حروفك الي طبعتها بذاتي.. وهلق صار دورك تبلسم جروحي، وتاخود الحزن وتجبلي بدالو الفرح من عندك لقلبي هديه ...
راغده عيد
ليست هناك تعليقات:
إرسال تعليق