قصائد قصيره (27) *** بقلم السيدابوطاحون
*********
يسعد صباح النقاء
جمع السحاب في القلب
من فيض همس الايمان
نزل المطر بالحب
رفع ايده الجمال
قال احمدك يارب
*********
خديني ل بحرك المليان
بحب وشط كله حنان
وأول همسه من حضنك
نلاقي الحزن كان يا ما كان
*********
اعزميني يا عيوني
قلبي ديما عند بابك
نفسه أكله من ايديكي
والشفا من نور شبابك
*********
وحشاني طلة حروفك
ياغصن بان القصيده
ضمة عيوني لعيونك
غنوه و لكن فريده
*********
على شط الامل واقف
وبستناك وأنا خايف
وقلبي يلف وينادي
وحتى النجم مش شايف
*********
وليه بتهربي مني
والقلب دايب ف عنيكي
حضن هواكي مجنني
ورعشة الروح تناديكي
*********
تاه القمر في السما
ياما داب ودوبني
ناديت عليه انما
شافني وهرب مني
*********
يا ورده مالهاش مثيل
نبته في حضن الجبل
نادى عليها النيل
غرق في بحر الغزل
*********
صباحنا عسل من اعلى جبل
يا بنت العرب يا نبض الامل
وقلبي باعت لك رسالة عتاب
بالشعر ردي .. بلاش الخجل
*********
يسعد صباح السحاب
جايب معاه الامان
ورغم هجر وغياب
غنى المطر قال كمان
*********
وليه انت بعيد عني
وخالفه كل مواعيدي
ياساكنه القلب والنني
قوليلي امتى يوم عيدي
*********
قلبي مش عارف ينام
ولا حتى يقولي كلام
واقف ع الشط التاني
مستني أمواج الأحلام
*********
صباح العيون اللى مالها مثيل
بتوصل لروحي من غير دليل
ولما القمر شاف عيونك نزل
وقال كان كلامه كله غزل
وقلبك وجل و رمشك خجل
برغم انه عاشق كلام الجميل
*********
يطلع النور من جبينك
يضحك الشعر ف عيونك
يملى كل الكون جناين
كل شئ في الحب باين
كل ورد الدنيا ساكن
جوه قلبك فوق خدودك
*********
#قصائدقصيره(27)
#السيدابوطاحون
#الأخنوم
ليست هناك تعليقات:
إرسال تعليق