ساعات الكلام ساعات الكلام يتخنق وحياتنا تصبح وهم معدش لها معنى وندور ع الطريق وكأننا في الضلمة ضعنا ونصرخ من الألم ومن شدة الطعنة ونمشى في الحياة وكأننا ف رحلة سفر ومن الموت مفيش نجاة وراح يدوقه كل البشر ومهما المعانى تتوه مسير الحب يجمعنا والدنيا حكاية وحدوته ناس تمسي مع الاموات وناس لسه مولودة وناس مش لاقية اللقمة وناس بالسعد موعودة ونتوه في الزحمة ومين يقدر يرجعنا ودى ارزاق ومتقسمة وشوش راضية ومتبسمة وناس مش عاجبها الحال وناس بتسأل سؤال وتقول ليه واشمعنى يا دنيا لحد فين وخدانا هو انت علينا ولا معانا خلاص الواحد منك مل شفنا فيكى الويل والذل ومين راح يمسح دموعنا الكلام واقف ف الحلق والدمع ع الخد سايل ونعمل ايه يا خلق والبخت دايما مايل والأيام زى بعضها ماشية بحلوها ومرها وكل الناس سابونا وكتير منهم خانونا وحتى القريب باعنا كلمات اسامة فؤاد حنا
ليست هناك تعليقات:
إرسال تعليق