مصر النهاردة
كلمات اسامة فؤاد حنا
النهاردة مصر بتفرح
وقناتنا الخيرراح تطرح
والشعب همة وعزيمة
والكسلان مالهوش مطرح
فكرة قائد جرئ وزعيم
ارادة شعب وقرار سليم
وبشرة خير لكل مصرى
وضربة للارهاب ف الصميم
يا مصرى اهتف وقول
الارهاب مسيره يزول
ونور الشمس يشرق تانى
وعتمة الليل مش هاتطول
حفرت القناة بدراعك
ودفعت الثمن من مالك
والعالم كله كان مذهول
من عزيمتك واصرارك
بايديك حققت المستحيل
خيرلمصر جيل ورا جيل
ومشيت بقوة اول خطوة
وكانت بداية لالف ميل
قول للعالم احنا هنا
والمصريين عملوا المعجزة
اتحدينا المكان والزمان
وحفرنا القناة ف سنة
وهانزرع ارضك ونعمر
وبعرقنا وايدنا نشمر
مصر محتاجة لرجالة
تبنى مش تهدم وتدمر كلمات اسامة فؤاد حنا
ليست هناك تعليقات:
إرسال تعليق