بقلم يوسف ونيس مجلع --- ايطاليا بريشيا
اصدقائى الاحباء اقدم العزاء لنا جميعا تقبل الله شهداء الوطن وانعم بالشفاء
على المصابين كلمة بالعامية بعنوان -- دموع مصر
يا مصرمتبكيش على ورود غابت عن البصر
دول فخر فى الدنيا و فى الاخرة و اطيب اثر
متبكيش على قلب اب من الالم انعصر
متبكيش على قلب ام من الحزن انفطر
متبكيش على قلب ابن من احساس اليتم انقهر
ولا قلب بنت مزهول لسه مش مصدق الخبر
دول عزاهم ان حبايبهم فى حضن خالق البشر
-----------------------------------------------
اما دموعك الغالية اللى فاقت سيول المطر
وفريها وابكى بيها على ابن عنك انشطر
يقتل اخوه و يخون ابوه و فاكرانه انتصر
ابكى بيها على ضمير مرتاح فى الوزر
ابكى بيها على قلوب فاقت صلابة الحجر
ابكى على مخدوع فى طريق الشر انحدر
وعلى مخادع ليكى احساسه بيكى احتضر
ابكى على عقول مصباح النور فيها انكسر
متبكيش وقت التحدى متبكيش وقت الخطر
متبكيش على الشهداء دول حب غلب وانتصر
بقلمى يوسف ونيس مجلع --- مصر
ليست هناك تعليقات:
إرسال تعليق