يا مغرور بالدنيا
كلماتى : اشجان سليمان
------------------------
يا مغرور بالدنيا
ومش عارف
ان كنت حاصد او زارع
ده نفس طالع
ومش راجع
أوعى تغمض عينيك
وتعمل نفسك مش شايف
ولا حتى سامع
دنيا غرورة
ترفعك لفوق فى السحاب
ولحظة تلاقى نفسك واقع
طوبى لنفس لوامة
تحاسبك وترجعك
تبّكى عينيك وتوجعك
ارجع لربك واستغفر
راجع نفسك واتذكّر
بلاش غرور فى لحظة سرور
يكفيك ربك من سوء الشرور
ابعد عن الآثام
وفكّر فى أللى جاى
وردد الصلاة والسلام
على شفيعك خير الأنام
وفى ليلة الإسراء
توجه الى الرحمن
وادعى وقل يا رب
عبدك انا الضعيف
احمينى من شر نفسى
واقبل منى توبتى
غرّتنى الدنيا
وكنت بيها والع
بالصدق يا رب الأنام
انا إليك تايب وراجع ٠٠!!
ليست هناك تعليقات:
إرسال تعليق