كأنك معايا ؛؛؛ ( غنائية ) ،،، بقلم ا/ عزه عيسى

كأنك معايا .. يا عمري وهنايا
يا نجمة تنور .. ف ليلي سمايا
وعايشة معاك .. ف أجمل حكاية
من أول ما شفتك .. ولحد النهاية
كأنك معايا ؛؛؛
بحس بحنانك .. مدوب كياني
وأحس ان حضنك .. دفايا وأماني
وبسمع شفايفك .. وصوت نبض قلبك
ينادوا بإسمي .. ويغنوا غنايا
كأنك معايا ؛؛؛
وآه لو بإيدك .. تضم إديّـــــا
ياعمري وحياتي ..يا كل ما ليّ
أضيع من مكاني .. واتوه عن زماني
وأشوف نفسي حلوة .. كأني حورية
لأنك معايا ؛؛؛
بحس بحنانك .. مدوب كياني
وأحس ان حضنك .. دفايا وأماني
وبسمع شفايفك .. وصوت نبض قلبك
ينادوا بإسمي .. ويغنوا غنايا
كأنك معايا ؛؛؛

بحبك وحبك .. حدودي وكياني
وقلبي في بعدك .. مالوش حد تاني
وإنت الحقيقة .. وأجمل أماني
معاك انت يحلا .. السهر والأغاني
وأحس بحنانك .. مدوب كياني
وأحس ان حضنك .. دفايا وأماني
وأسمع شفايفك .. وصوت نبض قلبك
ينادوا بإسمي .. ويغنوا غنايا
كأنك معايا ؛؛؛