احْنَا ثَلْثْ اخُّوتْ ،، الزجال حكيم البورشدي

احْنَا ثَلْثْ اخُّوتْ " ٢ "

احْنَا ثَلْثْ اخُّوتْ
ثَلْثْ اعْزَارَة 
طْبِيعَتْهُمْ صَبَّارَة 
جَاوْ لِلدّْنْيْا بْلَا احْزَارَة 
بْڭَدِّيدَة وْ حَفْنَة
مَنْ اعْشُوبْ العَطَّارَة

الرَّابَعْ فِالكُرْشْ
ڭَاعَدْ يْرَڭّْبْ 
جَا لِلدَّنْيَا اقْصَارَة 
شَافْهَا افْشُوسْ
ڭْبَلْ مَا يَخْرُجْ
عَلْڭُو لُو خْمِيسَة 
وْ صْفِيحَة وْ سَارُوتْ

احْنَا ثَلْثْ اخُّوتْ
ثَلْثْ اعْزَارَة 
دَارْهُمْ شُوكَة فِالحُومَة 
مَعْرُوفَة بِالنَّعْثْ
اوْلَادْ امْرَة زُغْبِيَة
اهْبِيلَة طَاعْنَة فِالسَّنْ
تْوَحْمَتْ عْلَى زَرِّيعَة
ڭَرْشَلْهَا مَحْرَاثْ 
بْثَلْثْ سَنَّاتْ مَرْدُومَاتْ 
سَنَّة صَدَّاتْ
وْ سَنَّة نَدَّاتْ 
وْ سَنَّة نَدْبَاتْ 
حْنَاكْ الدَّرْوِيشْ دَرَّاتُو 
عْلَى جْنَانْ السْبُولَات
أُو ڭَالَتْ أَوَدِّي 
غِيرْ اعْجَاجْ الدْرَاسْ 
ذَاكْ اللِّي يَامَسْ هَاجْ 
وَ اليُومْ احْنَاكْ 
زَادَكْ عْلَى عْمَاهُمْ 
تْلَڭَّطْ ڭْمِيحَاتْ 
تْبُوسْ لَارْضْ عَاللَّڭْطْ 
المْڭَرْشَلْ بِالسَّخْطْ ،،

يتبع ،،

احْنَا ثَلْثْ اخُّوتْ ،، 
الزجال حكيم البورشدي