لسه بهواك بجنون
#بقلم حمدى نورالدين
لسه بهواك بجنون
انا عاشق تباريحك
مهما تغيبى وتبعدى
ساكن جوايا طيفك
وف ملامحى حاجة منك
ضحكة تسعدلى قلبى
وأنت على كيفك
تغيبى وتبعدى عادى
وانا عاشق تفاصيلك
أنا لسه على عهدى
وبهديك حياتى وبقولك
كل ما فيا بينادى عليك
لسه عايزك
نفسة يرجع تانى ليك
مشتاق لحضنك
أمته ترجع لياليك
يالى عمرى هو حبك
أنا مشتاق إليك
يالى قلبى هو قلبك
ونبضى منسوج بنبضك
كل ما فيا محتاج إليك
لسه ذايب فى حبك
ولهان لجمال عينيك
يالى إحساسك حياة
ونعيم سنين
أنا نفسى أبقى فرحتك
أنا نبض قلبى موهوب لمحبتك
أنا ليك عايش
وبيك بتنفس حياة
ولسه كل ما فيا عايزك
لسه بينادى عليك
لسه بهواك بجنون
وروحى عشقاك
وأنت سبيل القلب وأنت مناه
يالى بهواك وهواك
نبض شوق واشتياق
أنا قلبى حبك
وحبك شريان حياة
كل ما فيا متيم بيك هايم
أنت حبى وأنت حلمى
وأنت عمرى إلى أموت فداه..
14-6-2017
#حمدى_نورالدين
ليست هناك تعليقات:
إرسال تعليق