(((( لا تبكين ))))
لا تبكين تراني أبد ما أتحمل
أشوف أدموعك فوق خدك
أرحميني ياللي من القمر أجمل
وخلني أشوف الفرح لقلبي يردك
تهزين قلبي بدموعك يا غلاي
والروح تشهق من كثرة غضبها
كأن الموت بدموعك صار جاي
والنار تحرق فيني من لهبها
لا تبكين ياعمري وتهزين المشاعر
تراها ترتقي النجم ببسماتك
أمري تدللي وأنا أقول حاضر
لجل ترجع فرحتي بنظراتك
يهون الكون كله وأحقق مناك
بس وقفي الدمع تراه ذبحني
مابي الكون كله من يسواك
وقفي الدمع أرجوك قتلني
الفرح والسعد مخلوق لجلك
والعمر ذاق الهنا وياك
لا تبكين أرجوك من فضلك
ترى الكون كله ياعمري فداك
صائغ القوافي الشاعر
فهد بن عبدالله الصويغ
27-5-2019
ليست هناك تعليقات:
إرسال تعليق