خواطر غنائيه بعنوان : ( عايز حقى )
بقلم محمد عباس الاسماعيليه مصر
انا عايز بس حقى
حقى اللى وعيت عليه
واسيب ازاى ده حقى
واتساوم عليه
مش ممكن هنسى حقى
ولااعيش غيربس بيه
من الدنيا وم اللى فيها
مش لاقى ناس بتنصف
مش لاقى ناس بتعطف
مش شايف غير انين
انا ماشى وفى دوامه
والصبر طريقه فين
وناس تايه وجعانه
وناس ناهبه وجبانه
كل العيون لوامه
بتقول الكلمتين
سهران وحدى وبعانى
من قسوة خداعين
وناس مكنتش حاجه
بقاهما مسيطرين
يا دنيا وليه بتقسى
على كل الشقينين
وسايبه الناس الديابه
فى الدنيا غدارين
دنيا ومش باقى فيها
غير دمعه محرومين
بيبصوا لكل حاجه
وهما معذورين
حق الناس الغلابه
فى رقبه مين ومين
عايشين فى دنيا غابه
وشويه نصابين
والقسوة والحرمان
والخلق مجروحين
وكلام فوق الشفايف
وعيون شايفه اللى خايف
والكل معدشى عارف
مين عايش ومين حزين
الطيب فى الزمان ده
الناس تدوس عليه
يشقى وغيره جاحد
واجره كام جنيه
رئيس لكل مواطن
راعى حق المقهورين
معاش تامين وشامل
ونجيب رؤساء منين
مسؤل سيد وباشا
هاتوا حق الشقينين
بقلم محمد عباس معلم الاسماعيليه ..مصر
ليست هناك تعليقات:
إرسال تعليق