شو النفع
اذا الألوان تراقصت بمرآك
وفنجانك حقق كل وعود
شو النفع
إذا الياسمين زهر بخطاك
وحلمك صحاك على برقو و رعودو
شو النفع
إذا السندس بشراشفو غطاك
وريش النعام رفرف ببرودو
إذا الدرغل غرد مُناك
والعود دندن روحك ونظم قدودو
ورود الدني على جبينك نداك
و قلمك اتحرر وكسر كل قيودو
الفرح صار ميلة خصرك
الوفا بللك بكل عهودو
إذا العسل بدو رضاك
وعلى كتف الورد خمر شهوود
اذا الحسن من حسنو عطاك
وما كان أبدا جودك أبدا من جودو
شو النفع .....؟؟؟
نرجس عمران
سورية
ليست هناك تعليقات:
إرسال تعليق