غياب العداله بالنفس بيحز
من دون حجه مقنعه واعذار
سبعين عام وجرحنا بينز
شو اللي جرى يا عالم وشوصار
سيف الظلم برقابنا بيجز
وشامخ ابي يا شعبنا الجبار
صمودك ضمير الكائنه بيهز
يا موطني يا منبع الثوار
وبدمك تسطر ملاحم عز
يا شعبنا يا رمز للاحرار
ارواحنا عنك ولا بنعز
يا موطني لو يحرقونا بنار
للنصر رايه عاليه بنغز
في القدس وترفرف على الاسوار
شعبي ابي هيهات ما بنهز
بوجه العدو الغاشم الغدار
مهما عليك تكالبو الاشرار
وشو ما كنت بتظل اجمل دار
=== محمود شبيب ===
ليست هناك تعليقات:
إرسال تعليق